"Преодоление" клубының яшь әгъзалары спектакль куюда катнашты

Буа муниципаль районы халыкка комплекслы социаль хезмәт күрсәтү үзәге хезмәткәрләре “Преодоление” клубы әгъзалары белән “Төлке – сеңел һәм бүре” исемле курчак спектакле күрсәтте.

Яшь артистлар мавыктыргыч, гадәти булмаган курчак “дөньясына” алып керде. Балалар персонажлар белән бергә борчылды, шатланды. Чираттагы спектакльдә балалар рольләрне алмашырга сүз куешты.