Татарстан Республикасы Министрлыклары Татарстан Республикасы Хезмәт, халыкны эш белән тәэмин итү һәм социаль яклау министрлыгы

"Тургай" приюты карамагындагы балалар Бельгия татарларыннан бүләкләр кабул итте

2016 елның 8 августы, дүшәмбе

Шушы көннәрдә Бельгиядә яшәүче татарлар исеменнән язучы Гөлсинә Галимуллина Сабаның “Тургай” балалар һәм яшүсмерләр өчен социаль приютында тәрбияләнүчеләргә бүләкләр тапшырды.

Биредә мәктәпкәчә һәм мәктәп яшендәге балалар вакытлыча гомер итә. Күп очракларда гаиләдә конфликтлы ситуацияләр барлыкка килгәндә, ата-аналарының баланы тәрбияләү мөмкинлеге булмаган очракта сабыйлар приютка урнаштырыла. Бүгенге көндә биредә 30 бала яши.

Саба районында туып үскән Гөлсинә Галимуллина туган ягына кайткан саен приютка килә һәм балаларга даими рәвештә ярдәм итеп тора.

Министрлыкның матбугат хезмәте

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

Татарстанда МХО катнашучыларын эшкә урнаштыруда ярдәм итү өчен кайнар линия эшли

Татарстанда махсус хәрби операциядә катнашучыларны һәм аларның гаилә әгъзаларын эшкә урнаштыруда ярдәм итү өчен кайнар линия эшли.

декабрь, 2025 ел

Кайбер казанлылар өчен шифаханә-курорт дәвалануы мәсьәләләре буенча кабул итү вакытлыча Министрлыкта алып барыла

Татарстан Республикасы Хезмәт, халыкны эш белән тәэмин итү һәм социаль яклау министрлыгы 2025 елның 1 декабреннән 30 декабренә кадәр техник сәбәпләр аркасында Казанның Вахитов һәм Идел буе районнарында яшәүче аерым бюджет тармаклары хезмәткәрләрен һәм пенсионерларны шифаханә-курорт дәвалану (шифаханә-курорт дәвалануга юлламалар һәм шифаханә-курорт дәвалануга электрон сертификатлар) мәсьәләләре буенча кабул итү Министрлыкта гамәлгә ашырылачагы турында хәбәр итә (Казан шәһәре, Волгоград ур., 47 йорт, 101 нче каб.).

Социаль хезмәтләр алучылар бәйрәмгә әзерләнә

25 декабрьдә Лениногорск районының «Исток-Башлангыч» халыкка социаль хезмәт күрсәтү комплекслы үзәгендә өлкәннәр һәм балигъ булмаганнар өчен «Яңа елны бергә каршы алабыз!» чарасы уздырылды.

Татарстанда психотравматик вакыйгалар кичергән балаларга ярдәм итәләр

Татарстан Республикасында «2024–2025 елларда балалар иминлеген тәэмин итүнең төбәк системасын үстерү буенча чаралар комплексы» проектын гамәлгә ашыруга йомгак ясалды. Аның максаты – рәхимсез мөгамәләдән яки җинаятьләрдән зыян күргән балаларга, шулай ук психологик травма кичерүче балаларга ярдәм итү.

ЯҢАЛЫКЛАРГА ЯЗЫЛУ