Азнакайда 18 эшсез граждан эшкә урнашу өчен юлламалар алды
Кичә Азнакай шәһәре халыкны эш белән тәэмин итү үзәгендэ вакантлы эш урыннарына ярминкә уздырылды. Әлеге ярминкәдә түбәндәге эш бирүчеләр катнашты: ҖЧҖ «Агрофирма «Азнакай», ҖЧҖ «Лидер –Авто»,ҖЧҖ «Лидер-Авто+», ҖЧҖ «РОСГОССТРАХ» Агентлыгының Азнакай филиалы, ҖЧҖ «АкБарс-Мед» иминиятләштерү компаниясенең Азнакай филиалы, Азнакай шәһәренең 1нче гомуми урта белем бирү мәктәбе.
Эшсез һәм эш эзләүче гражданнарга түбәндәге эш урыннары тәкъдим ителде: агроном, зоотехник, электрик, куркынычсызлык хезмәте җитәкчесе, тракторист-машинист, хисапчы, шәфкать туташы, шофер, иминиятләштерү агентлары, бармен, официант, повар-кондитер, бина җыештыручы, автоэлектрик, автослесарь һ.б.
Шулай ук ярминкәдә Азнакай районы һәм шәһәре хәрби комиссариаты контракт буенча хәрби хезмәткә гражданнар туплады.
Әлеге чара барышында 18 гражданга эшкә урнашу өчен юллама бирелде.