Тукай районы "Шәфкатъ" үзәге карамагындагылар яңа төр методика белән танышты

Бүген Тукай районы "Шәфкать" халыкка социаль хезмәт күрсәтү үзәге белгече Гөлназ Шавалиева "М.И.Г." отряды волонтерлары белән берлектә "Сәламәт киләчәккә" дип исемләнгән синквейн конкурсы уздырды. 

Билгеләп үтик, синквейн – рифмага салынмаган, биш юлдан тора торган, французча шигырь. Белгечләр фикеренчә, бу ысул мәгълүматны кыскартып җиткерергә, авыр хис-кичерешләрне аңлатырга ярдәм итә. 

Чарада төрле категория гаиләләрдән 8 балигъ булмаган бала катнашты. Балалар ике командага бүленеп, синквейн язганда кулланылырга тиешле булган сүзләр исемлеген алды.

"Синквейн – иҗади процесс. Бу кызыклы шөгыль иҗади һәм интеллектуаль сәләтләрне гамәлгә ашырырга ярдәм итә", - дип сөйләде оештыручы.