Кукмараның “Милосердие” үзәгендә балаларның яңа иҗади сәләтләрен ачтылар

Инвалидлар декадасы кысаларында Кукмараның "Милосердие" мөмкинлекләре чикле балалар һәм яшүсмерләр өчен тернәкләндерү үзәгендә инвалид балалар һәм аларның әти-әниләре өчен "Осталар шәһәре" мастер-класслары үтте.

Беренче мастер-класс топиария – кечкенә генә интерьер агачы ясауга багышланган иде. Социаль педагог катнашучыларны "бәхет агачы" ясау этаплары белән таныштырды, аны ясау серләрен ачты.

Икенче мастер-класс вакытында мөмкинлекләре чикле балаларны тал чыбыгыннан әйберләр ясарга өйрәттеләр.

Балалар һәм аларның әти-әниләре оештыручыларга рәхмәтләрен белдерделәр.