Татарстан Республикасы Хезмәт, халыкны эш белән тәэмин итү һәм социаль яклау министрлыгы һәм Беларусь Республикасының министырлыгы хезмәттәшлек турында килешү төзергә планлаштырдылар

Бу көннәрдә Татарстан Республикасы Хезмәт, халыкны эш белән тәэмин итү һәм социаль яклау министры Эльмира Зарипова Минск шәһәрендә Беларусь Республикасының хезмәт һәм социаль яклау министры Марианна Щеткина белән очрашты.

Ике як та социаль-хезмәт өлкәсе торышы турында үзара мәгълүмат алмашты, хезмәттәшлек перспективалары турында фикер белән уртаклашты. Моннан тыш, биредә ике министырлык арасындагы ведомстволар белән хезмәттәшлек итү турында килешү төзү каралды.