Зәй районында өлкән кешене тәрбиягә алган гаилә – кайгыртучанлык һәм күңел җылысы үрнәге

2026 елның 22 апреле, чәршәмбе

«Гаилә» милли проектының «Өлкән буын» федераль проектын гамәлгә ашыру кысаларында Зәй районында өлкән яшьтәге кешене тәрбиягә гаиләгә алганнар. Әлеге программаның уңышлы эшләвенең ачык мисалы – 2018 елның декабреннән Гыйниятуллиннар гаиләсендә яшәүче Салихҗан Гыйльфанов тарихы.

20 апрельдә Салихҗан Гыйльфанов үзенең 80 яшьлек юбилеен билгеләп үтте. Юбилярны котларга Зәй муниципаль районы башлыгы урынбасары Петр Уразайкин, Сармашбаш авыл җирлеге башлыгы Геннадий Абрамов, социаль яклау һәм мәдәният бүлеге хезмәткәрләре килде. Район мәдәният йорты автоклубы әгъзалары күчмә котлау оештырды.

Мондый гаилә кору өчен зәйлеләргә «Шатлык» халыкка комплекслы социаль хезмәт күрсәтү үзәгенә язма гариза белән мөрәҗәгать итәргә кирәк.