Халыкны эш белән тәэмин итү үзәге «Road-Show “Мой город. Мой талант”» күчмә күргәзмәсендә катнашты

    Шушы көннәрдә халыкны эш белән тәэмин итү үзәге Әлмәтнең “Нефтьче” мәдәният йортында үткән «Road-Show “Мой город. Мой талант”» күчмә күргәзмәсендә катнашты.
    «Road-Show “Мой город. Мой талант”» проекты “2015-2020 елларда Татарстан Республикасында талантлар белән стратегик идарә итү” программасы буенча гамәлгә ашырыла. Мәгълүмати-күргәзмә мәйданчыгы итеп махсус җиһазландырылган трейлер “КамАз” һәм микроавтобус “Форд” республиканың 8 шәһәре буенча юл тота. Акциянең төп максаты – татарстанлыларга яшьләрнең үз гамәлгә ашырылу потенциалы булуын күрсәтү.
    Күргәзмәдә Әлмәт муниципаль районы предприятияләре, оешмалары, уку йортларының җыелган ресурслары, мөмкинлекләре тәкъдим ителде. Чарада шәһәрнең мәктәп балалары, студентлары катнашты. Алар үз мөмкинлекләрен 6 өлкәдә сынап карый алды: фән, техника, мәдәният һәм сәнгать, социаль иҗат, эшмәкәрлек.
    Халыкны эш белән тәэмин итү үзәге “социаль иҗат” өлкәсендә тәкъдим ителде. Мәшгульлек үзәге вәкилләре килгән кунакларга һөнәр сайлау серләрен һәм үзәк хезмәте турында сөйләде.
    Укучылар халыкны эш белән тәэмин итү мобиль үзәгендә һөнәр сайлау буенча тестирование үтә алды. Әлеге мөмкинлек белән 80 кеше файдаланды.