Балтачның “Наз” үзәгендә балигъ булганнар арасында хокук бозуларны профилактикалау мәсьәләсе турында фикер алыштылар

Бүген  Балтач районында “Наз” халыкка социаль хезмәт күрсәтү комплекслы үзәге нигезендә оешкан ата-аналар “Забота” клубының “Безопасные каникулы” темасына утырышы узды. Чарага социаль куркыныч хәлдә булучы гаиләләр чакырылды.
    Очрашуда хокук бозуларны профилактикалау, эшкә урнашу, җәйге сәламәтләндерү, урамда үз-үзеңне тоту кагыйдәләре турында темалар күтәрелде. Социаль яклау бүлеге белгече материаль ярдәм күрсәтү тәртибен һәм социаль контракт тутыру турында аңлатты. МЧС вәкиле куркыныч хәлләргә очрауның төп сәбәбе ата-аналарның игътибарсызлыгы дип ассызыклады.
    Барлык катнашучыларга ышаныч телефоны турында мәгълүмати буклетлар таратылды.