Елена Мизулина: «Без Татарстан белән хезмәттәшлеккә өметләнәбез»

Бүген ТР Министрлар Кабинетында ТР Премьер-министры Илдар Халиков һәм “Илкүләм дан үзәге” төбәкара иҗтимагый фонды вице-президенты Наталья Якунина гаиләләргә һәм аналарга ярдәм итүгә юнәлдерелгән ТР Хөкүмәте программалары комплексы һәм «Святость материнства» - “Ана изгелеге” Бөтенроссия программасын гамәлгә ашыру турындагы килешү имзалады.
Бу программаны 2006 елдан Россия иҗтимагый оешмалары - Андрей Первозванный фонды һәм Илкүләм дан үзәге гамәлгә куя.
Программаның максаты җәмәгатьчелек аңында Россия гаиләсенең рухи һәм әхлакый потенциалын торгызу аша гаиләгә, әти-әнигә, балага бөек кыйммәтләргә булган мөнәсәбәт формалаштыру. Программаның бурычы – җәмгыятьтә гаилә кыйммәтләрен, йөкле хатын-кызларга һәм авыр тормыш вазгыятендә калган яшь әниләргә социаль һәм психологик ярдәм, яшь һәм күп балалы гаиләләргә ярдәм итү, балалар һәм яшьләр белән эшләү.
“Илкүләм дан үзәге” төбәкара иҗтимагый фонды вице-президенты Наталья Якунина сөйләвенчә, Татарстан белән килешү имзалау аеруча әһәмиятле. “Соңгы елларда республика белән элемтәдә торабыз, Татарстан вәкилләре безнең күп кенә программаларда катнаша. Шулай да мөнәсәбәтләрне законлаштыру бик мөһим, чөнки Татарстан Россиянең актив үсеш алучы төбкәләренең берсе. Республиканың тәҗрибәсе уникаль булырга мөмкин һәм башка төбәкләргә тәкъдим ителергә тиеш”, - дип ышана Наталья Якунина.
Татарстан Премьер-министры Илдар Халиков, Татарстанда туучылар саны артсын өчен күп эш башкарыла: балалар бакчаларында урыннар булдырыла, медицина үзәкләре төзелә һ.б., дип белдерде. “Бүген Фонд белән имзаланган килешү җылы сүз, медицина хезмәткәрләренең җәмгыятьнең, ММЧ вәкилләренең профессиональлеге һәм осталыгы белән шул ук бурычларны хәл итә”, дип билгеләп үтте республика Хөкүмәте башлыгы. Килешү дәүләт программалары белән“Илкүләм дан үзәге” фонды гамәлгә куя торган социаль программалар арасында үзара элемтә булдыру мөмкинлеге бирәчәк.
Дәүләт Думасының гаилә, хатын-кызлар һәм балалар мәсьәләләре комитеты рәисе Елена Мизулина “Ана изгелеге” программасы бик нәтиҗәле дип ышана. Билгеләп үтик, Татарстан бу программаны гамәлгә ашыру буенча хезмәттәшлек турындагы килешү төзелгән 22 нче төбәк.
“Россия буенча нәтиҗәсе бик зур. Бу программа кысаларында “Син үзең генә түгел” проекты исәбенә оборттан баш тартучылар 20-30 процент булуын күзәтәбез”, - диде Е.Мизулина.
Бу проект авыр тормыш вазгыятендә калган йөкле хатын-кызларга психологик ярдәм күрсәтүгә юнәлдерелгән. “Ана изгелеге” программасы партнер-төбәкләр хатын-кызлар консультацияләре психологлар ярдәме белән 10 меңнән артык бала гомере сакланып калды.
Бу программа кысаларында “ММЧ”, “Волонтер” һәм “Конкурслар” проектлары да гамәлгә куела.
Елена Мизулина искәрткәнчә, узган ел Россия Хөкүмәте “2025 елга кадәр РФ дәүләт гаилә сәясәте концепциясе” расланды, дип искәртте. Агымдагы елның апрелендә бу концепцияне гамәлгә ашыру буенча чаралар планы расланды.
Татарстан инициативасы бик мөһим, ул социаль өлкәсе уңышлы Россия төбәге, ә үсешне туктатырга ярамый, дип саный Елена Мизулина. “Әйе, республикада туучылар саны күп, әмма 2013-2014 елларда бу күрсәткеч туктап калган. Хәзер бала табарга сәләтле яшь хатын-кызлар саны кими һәм бу 2020 елга кадәр дәвам итәчәк. Димәк, әни була алырлык яшь хатын-кызлар әз. Ә безгә туучылар санын киметергә ярамый. Республикада Россия буенча чагыштырганда, обортлар саны аз, әмма бу 23 меңгә якын балага гомер бирелмәгән дигән сүз”.
“Без Татарстан белән хезмәттәшлеккә өметләнәбез”, дип белдерде Дәүләт Думасының гаилә, хатын-кызлар һәм балалар мәсьәләләре комитеты рәисе.