Бүген Менделеевск шәһәре “Камские зори” балалар һәм яшүсмерләр социаль приютында волонтерлар белән очрашу узды. Очрашуның төп идеясе – Җиңүнең 70 еллыгы эмблемасында чагылдырылган тынычлык символы белән балаларны таныштыру булды.
Волонтерлар тынычлык символы булган ак күгәрчен турында сөйләделәр. Ә балалар һәм педагоголар исә, 9 май бәйрәме белән котлау өчен, кәгазьдән күгәрченнәр ясадылар. Күпләр, Бөек Ватан сугышын үткән якыннары һәм ерак бабалары хакында кызыксынып, алар турында хикәя, шигырьләр һәм рәсемнәр дә иҗат итте.