Балтач районында яшәүче тыл хезмәтчәнен 90 яшьлек юбилее белән котладылар

Яңгул авылында  яшәүче Сафиуллина Маһикамал Зиатдин кызына  17 март көнне 90 яшь тулды.  Балтач муниципаль район башлыгы урынбасары  Наил Сабирҗанов, район социаль яклау бүлеге җитәкчесе  Алсу Гатиятуллина, социаль хезмәт күрсәтү бүлекчәсе мөдире Әнисә Хәйруллина, Яңгул  авыл җирлеге башлыгы   Ринат Гарипов,  җаваплылыгы чикләнгән “Яңа тормыш” җәмгыяте директоры Мәгъсүмҗан Сәйфетдиновлар юбилярны котлап, изге теләкләрен җиткерделәр.  РФ Президенты В.В.Путин исеменнән котлау открыткасын, Балтач муниципаль  район башлыгы исеменнән,  соңгы эш урынынан һәм авыл җирлеге исеменнән бүләк-күчтәнәчләр тапшырдылар. Юбилей көнендә ветеранга Татарстан Республикасы Президенты исеменнән күчтәнәчләр дә бирелде.