Министрлык оешма ликвидацияләнү, хезмәткәрләр саны яки штат кыскару сәбәпле эшсез калучылар санын күзәтеп тора
ТР Хезмәт, халыкны эш белән тәэмин итү һәм социаль яклау министрлыгы хезмәткәрләрнең эштән китүен, оешмалардан азат ителүен атна саен күзәтеп тора. Мониторинг РФ Хезмәт һәм социаль яклау министрлыгының 2014 нче елның 30 нчы декабреннән 1207 нче әмере нигезендә башкарыла. Аның исеме болай яңгырый: "Оешма ликвидацияләнү, хезмәткәрләр саны яки штат кыскару һәм тулы булмаган мәшгульлек аркасында хезмәткәрләрнең эштән азат ителүенә мониторинг үткәрү".
ТР халыкны эш белән тәэмин итү үзәкләренә эш бирүчеләрдән килгән мәгълүматка караганда, 2015 нче елның 4 нче февраленә эш бирүче теләге белән 8335 кеше тулы булмаган көн яки смена эшләгән. Эш бирүче гаебе белән 420 кеше эшсез торган, 120 кеше хезмәт хаклары сакланмаган шартларда отпускта булган. 2015 нче елның гыйнвар-май айларында хезмәткәрләр саны яки штат кыскару сәбәпле 2844 кешене эшеннән азат итү көтелә.