Кукмараның “Милосердие” тернәкләндерү үзәгендә тернәкләнү узучы балалар юл иминлеге кагыйдәләре буенча дидактик уенда катнашканнар

Кукмараның  “Милосердие”  мөмкинлекләре чикле балалар һәм яшүсмерләр өчен тернәкләндерү үзәге белгечләре  юл иминлеге кагыйдәләрен пропагандалау инспекторы һәм Кукмараның  ЮХИДИ дирекциясе башлыгы белән берлектә юл кагыйдәләрен өйрәнүгә багышланган чара уздырганнар. Балалар ике командага бүленеп ярышканнар. Викторина сорауларына җавап биргәннәр, транспорт турында белемнәрен күрсәткәннәр, юл билгеләрен отканнар.

Уеннарда җиңүчеләргә  истәлекле бүләкләр тапшырылган.