Биектау районы “Өмет” комплекслы үзәгендә наркотикларга каршы айлык кысаларында үткән конкурска йомгак ясаганнар
“Наркотикларсыз тормыш” наркотикларга каршы республика акциясе кысаларында Биектау районы “Өмет” халыкка социаль хезмәт күрсәтү комплекслы үзәгендә “Синең тормыш рәвешең – үрнәк” дигән коллажлар конкурсы уздырылган. Чараның максаты балалар һәм яшьләр арасында сәламәт тормыш рәвешен пропагандалаудан гыйбарәт булган.
Конкурста районның 5-9 нчы сыйныф укучылары катнашкан. Барлыгы 18 уникаль эш тәкъдим ителгән.
Конкурс нәтиҗәләре буенча 3 призлы урын билгеләнгән. Иң яхшы эш дип беренче урын алган Озерное мәктәбенең 7 нче сыйныф укучылары, икенче урын алган “Учхоз” мәктәбенең 5 нче сыйныф укучысы Анастасия Миронова һәм 3 нче урын яулаган Озерное мәктәбенең 8 нче сыйныф укучысы Әмирова Динәнең эшләре танылган.
“Өмет” комплекслы үзәге конкурста катнашкан балаларга зур рәхмәт белдерә. Укучыларның иң яхшы эшләре мактау кәгазьләре, кыйммәтле бүләкләр белән билгеләнгән һәм www.kcsonemet.ru. сайтына куелган.