Бөгелмәнең "Возрождение" тернәкләндерү үзәге белгечләре сәнгать белән дәвалау буенча мастер-класс үткәргәннәр

Бөгелмәнең "Возрождение" тернәкләндерү үзәге белгечләре күрсәтелә торган хезмәтләрнең сыйфатын яхшыртуга багышланган инновацион методикалар һәм программаларны кертү буенча мастер-класс үткәргәннәр. Бу көнне Даун синдромы булган бала белән күнекмәләр уздырылган. Бу кыз яшьтәшләре белән бик авыр аралаша, төркемгә кереп китә алмый. Әмма берничә тапкыр ком терапиясе сеансын алганнан соң, ул җиңел генә коллективка кереп китә.  Логопед бу  баланың тиз аруын булдырмас өчен күнегүләр күрсәтсә, педагог пумаласыз буяу, рәсем ясау серләренә төшендергән.
Ахырда  конкрет балага ярдәм итүдә арт-технологияләрне куллану һәм аның иҗат мөмкинлекләрен үстерү темасына уздырылган әлеге чарага  йомгак ясалган.
Белгечләр белдергәнчә, сәнгать белән дәвалау үзәк эшчәнлегендә кулланыла торган иң популяр технологияләрнең берсе. Нәкъ менә камыр, пластилин һ.б. материаллар белән эшләү балага элеккеге, җыелып калган тискәре эмоцияләр, хатирәләреннән котылырга ярдәм итә. Аның тоемлау-сизү тәҗрибәсе яхшыра, сөйләме аңлаешлырак була. Психолог исә бу методны балалар белән уеннар барышында даими  куллана.