Татарстан Республикасы Министрлыклары Татарстан Республикасы Хезмәт, халыкны эш белән тәэмин итү һәм социаль яклау министрлыгы

Татарстанда эшче кулларга кытлык саклана бирә

2014 елның 3 апреле, пәнҗешәмбе

Бүгенге көндә республиканың вакансияләр банкында 39964 вакансия исәпләнә. 26 нчы марттан алып 1 нче апрельгә кадәр булган узган хисап атнасында гына да хезмәткәрләргә булган ихтыяҗ 3819 га якын булган. Вакансияләрнең яртысыннан артыгы Казанда тупланган – монда 18566 эшче кирәк. Бу хәл эре шәһәрләр – Яр Чаллы, Алабуга, Түбән Кама һәм Менделеевскта да күзәтелә. Биредә 4392, 3150, 2783 һәм 2523 эшчегә ихтыяҗ бар.

Эш табу өчен иң авыр җирлекләр булып Алексеевск, Теләче һәм Саба районнары исәпләнә. Аларда 15, 7 һәм 5 кенә вакансия бар.

Министрлыкның матбугат хезмәте

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

Татарстанлыларга түләүсез юридик ярдәм күрсәтәчәкләр

Халыкка түләүсез юридик ярдәм күрсәтү, шулай ук гражданнарга хокукый белем бирү максатларында Татарстан Республикасында Кеше хокуклары буенча вәкаләтле вәкил һәм «Россия пенсионерлары берлеге» гомумроссия иҗтимагый оешмасының Татарстан Республикасы буенча төбәк бүлеге хокукый ярдәм көне үткәрәчәк.

апрель, 2026 ел

Бөтенроссия эшкә урнаштыру ярминкәсенең төбәк этабы 17 апрельдә узачак

Соңгы биш елда Татарстан икътисадына 92 меңнән артык кеше җәлеп ителгән. Республикада мәшгульлек дәрәҗәсе Россиядәге уртача күрсәткечләрдән югарырак, әмма билгеле бер дисбаланс саклана: 49 мең вакансия булганда рәсми рәвештә 3,6 мең эшсез теркәлгән. Бу хакта Татарстан Республикасы хезмәт, халыкны эш белән тәэмин итү һәм социаль яклау министры урынбасары Клара Таҗетдинова Бөтенроссия Эшкә урнаштыру ярминкәсенең төбәк этабын уздыруга багышланган матбугат конференциясендә сөйләде.

Яшел Үзән кадрлар үзәгенең яшүсмерләрне эшкә урнаштыру тәҗрибәсе иң яхшысы дип табылды

Яшел Үзәннең «Россия эше» кадрлар үзәге «Яшүсмерләрне җаваплы эшкә урнаштыру» Бөтенроссия конкурсында «Закон белән конфликтта булган һәм авыр тормыш хәлендә булган балигъ булмаганнарны эшкә урнаштыруның иң яхшы практикасы» номинациясендә җиңеп, югары бүләккә лаек булды.

апрель, 2026 ел

«Апрель» тернәкләндерү үзәге 25 еллыгын билгеләп үтте

Казанда «Апрель» мөмкинлекләре чикләнгән балалар һәм яшүсмерләр өчен тернәкләндерү үзәгенең юбилей кичәсе узды. Бәйрәм чарасы «Могҗизалар илендә 25 ел: апрель әкияте» дигән символик исем астында узды һәм юбилей уңаеннан тантана гына түгел, ә бу елларда көн саен чын могҗизалар кылган, балаларга беренче адымнарын ясарга, талантларын ачарга, авырлыкларны җиңәргә һәм үз-үзләренә ышанырга ярдәм иткән кешеләр турында җылы, эмоциональ хикәя булды.

ЯҢАЛЫКЛАРГА ЯЗЫЛУ