Спас интернат-йорты карамагындагылар озын гомерлелеккә скандинавча атлыйлар
Спас өлкәннәр һәм инвалидлар интернат-йортында саф һавада йөрүләр дәвам итә. Социаль хезмәтләр алучылар тәрбияче Ирина Телицына белән чираттагы дәрескә чыктылар.
Мондый дәресләр «Гаилә» милли проектының «Актив озак яшәү»федераль программасын гамәлгә ашыру кысаларында даими үткәрелә башлады. Чираттагы дәрес Болгар читендә узды. Катнашучылар язгы Кояштан ләззәт алдылар, табигатьнең уянуын күзәттеләр, кошлар тыңладылар.
"Скандинавия йөрешендә иң мөһиме тизлек тә, рекордлар да түгел. Процесс үзе, хәрәкәтләрнең гадилеге, саф һавадан һәм аралашудан ләззәт алу мөһимрәк. Бу шөгыль генә түгел, ә көнен мәгънә, сәламәтлек һәм, әлбәттә инде, чын ләззәт белән тутыра торган менә дигән метод", — дип билгеләп үтә интернат-йорт белгечләре.
Инде традициягә әверелгән саф һавада йөрүләр физик активлыкны, мускул тонусын сакларга ярдәм итә, кәефне яхшырта һәм социаль изоляцияне булдырмый кала.