Татарстан предприятиеләрендә 1 төркемле, 1 авыр һәм 4 үлем белән тәмамланган бәхетсезлек очраклары теркәлгән

2014 елның 10 феврале, дүшәмбе
Татарстан Республикасы Хезмәт, халыкны эш белән тәэмин итү һәм социаль яклау министрлыгы җитештерүдәге бәхетсезлек очраклары нәтиҗәсендә зыян күргән хезмәткәрләр хакындагы мәгълүматларны публикацияләүне дәвам итә. Татарстан Республикасының Дәүләт хезмәт инспекциясе мәгълүматына  караганда, 3 нче февральдән 7 сенә чаклы Татарстан предприятиеләрендә 1 төркемле, 1 авыр һәм 4 үлем белән тәмамланган бәхетсезлек очраклары теркәлгән.
Хисап атнасы өчен беренче очрак  3 февральдә Яр Чаллының "Каматтранссервис"  ТЭФ ҖЧҖдә булган. 14 сәгатьтә эш өстәле артында предприятие хезмәткәре үлеп киткән.
4 февральдә Тукай районында урнашкан "Кама индустриаль механик заводы" ҖЧҖ хезмәткәре  деталь эшкәрткән чакта үлгән.  Шул ук көнне Югары Осланда   Апас-Казан  маршрутында юл-транспорт һәлакәте булган. Биредә "Апас АТП" ҖЧҖ хезмәткәре вафат булган.
Үлем белән тәмамланган соңгы очрак 5 февральдә Түбән Кама  «Татспец-нефтехимремстрой» трестында теркәлгән.  Хезмәткәр эш урынында үле килеш табып алынган.
Хисап атнасында шулай ук төркемле бәхетсезлек очрагы да булган. Яр Чаллының "Камаз" ААҖ хезмәткәрләре машинасы  Чувашиягә бару юлында автобус белән бәрелешкән. Нәтиҗәдә эшчеләр төрле дәрәҗәдәге җәрәхәтләр алганнар.
Барлык очраклар буенча да тикшерү бара. 
Министрлыкның матбугат хезмәте
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык
Документлар
Матбугат хезмәте
Гражданнарның мөрәҗәгатьләре
Адрес: 420044, Казан шәһәре, Волгоград урамы, 47
Телефон: кайнар элемтә: 8-800-100-00-01, 557-21-12 (Халык белән эшләү секторы)
Факс: +7 (843) 523-90-74
E-Mail: mtsz@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International