Алабугада “Волонтер” доброволец үзәкләре кураторлары һәм җитәкчеләре өчен семинар-тренинг узачак
5 нче февральдән 7 сенә чаклы Алабуга районында Татарстанның “Волонтер” доброволец үзәкләре кураторлары һәм җитәкчеләре өчен “Яңа Академия” дип исемләнгән семинар-тренинг узачак. Әлеге чара ТР Министрлар Кабинеты, ТР “Волонтер” доброволецлар хәрәкәтен үстерү үзәге” яшьләр иҗтимагый оешмасы, “Лукойл” хәйрия фонды, “РИТЭК” ААҖ, «BearrTrust» фонды булышлыгы белән үткәрелә. Академиянең максаты – волонтерларны балалар һәм яшьләр белән кисәтү эшләре алып барырга, хәмер, тәмәке, наркотик матдәләр куллануны кисәтү буенча доброволецлар белән эшләргә өйрәтүдән гыйбарәт. Семинарның беренче 2 көне шәхси үсеш тренингларына багышлана. Аларны мактаулы волонтер, психолог-консультант, тренер, Санкт-Петербургның “Иматон” гамәли психология институты укытучысы Ю.Байков уздырачак.
Академия тәмаланган соң курсны тыңлаучылар үзләренең шәһәр һәм районнарында кисәтү проектлары, акция һәм чаралар үткәрүгә керешәчәк.