Балтач районында Киров өлкәсе делегациясе булып киткән

Шушы көннәрдә Балтач районында социаль үсеш департаменты башлыгы Кирилл Лебедев җитәкчелегендә  Киров өлкәсе делегациясе булып киткән. Әлеге визитның максаты социаль контракт нигезендә дәүләт социаль ярдәме күрсәтүне өйрәнүдән гыйбарәт булган.  Делегация әгъзалары ярдәм күрсәтелгән Хәбибуллин, Гарипов, Кондратьевлар  гаиләләренә барып килгәннәр. Һәр гаиләгә истәлекле сувенирлар һәм бүләкләр дә тапшырылган.
Очрашу Балтач халыкны социаль тәэмин итү үзәгенең Чепьяда урнашкан "Наз" социаль-тернәкләндерү бүлегендә дәвам иткән.