ТР Хезмәт, халыкны эш белән тәэмин итү hәм социаль яклау министрлыгында социаль хезмәт мөнәсәбәтләрен җайга салу буенча Координация советының чираттагы утырышы узды
Татарстан Республикасы Хезмәт, халыкны эш белән тәэмин итү hәм социаль яклау министрлыгында социаль хезмәт мөнәсәбәтләрен җайга салу буенча республика өчъяклы комиссиясе янәшәсендә халыкның тормыш дәрәҗәсе, керемнәре, хезмәткә түләү буенча Координация советының чираттагы утырышы узды. Аның төп темасы оешмалар тарафыннан үтәлә торган мәҗбүри социаль, пенсия, медицина иминиятләштерүләре өчен түләүләр, хезмәт хакын вакытында түләмәү буенча финанс-икътисадый хәл һәм бурычларны каплау мәсьәләләре буларак яңгырады.
Координация советы утырышында җәмгысе биш министрлыктан килгән вәкилләр катнашты. Бу Хезмәт, халыкны эш белән тәэмин итү hәм социаль яклау; финанс; авыл хуҗалыгы; икътисад, сәүдә һәм сәнәгать, төзелеш, архитектура һәм торак-коммуналь хуҗалык министрлыклары. Шулай ук совет эшендә ТР буенча РФ Пенсия фонды бүлеге, ТР буенча РФ социаль иминиятләштерү Фондының җирле бүлеге, ТР Прокуратурасы, ТР Дәүләт хезмәт инспекциясе, ТР буенча салым хезмәте Федераль Идарәсе, ТР икътисад һәм социаль тикшеренүләр үзәге, ТР Төзүчеләр Союзы да актив катнаштылар.
Утырышта Казан һәм Яр Чаллы шәһәрләре, Теләче, Югары Ослан, Спасс, Актаныш, Тукай районнарының бурычлы предприятиеләре эше каралды. Утырышка аларның җитәкчеләре дә чакырылган иде.
Координация советының карары буенча "Технология строительства" ҖЧҖе (Яр Чаллы), Теләченең "Тукаш” ҖЧҖе , Тукай районында “Сибтент” производство фирмасы, “Болгар-Арыш" (Спасс районы), "Татнефтепроводстрой" (Казан), "Трест механизации строительства и благоустройства" (Актаныш районы) материаллары тиешле хокукый карарлар кабул итү өчен Татарстан Республикасы прокуратурасына җибәрелде.
Калган оешмалар бурычларын агымдагы елның 1 мартына кадәр түләп бетерү шарты белән, республика өчъяклы комиссиясе янәшәсендә халыкның тормыш дәрәҗәсе, керемнәре, хезмәткә түләү буенча Координация советының контролендә калдырылдылар.