Татарстанлылар Бөтенроссия эшкә урнаштыру ярминкәсенә чакырыла
Россиядә «Россия эше. Мөмкинлекләр вакыты» Бөтенроссия эшкә урнаштыру ярминкәсенең федераль этабы старт ала. Бу «Кадрлар» милли проектының төп чарасы, ул эш эзләүчеләргә һәм эш бирүчеләргә бер-берсен табарга ярдәм итә.
Татарстанда 26 июньдә ярминкә берьюлы 47 мәйданчыкта узачак. Казанда чара 27 июньдә «Урам» экстрим-паркында узачак.
Быел федераль этапта 300гә якын эш бирүче, шул исәптән оборона-сәнәгать комплексының 30 предприятиесе катнашачак. Эш эзләүчеләргә 9 меңнән артык вакансия тәкъдим ителәчәк – эшче белгечлекләреннән алып идарә итү позицияләренә кадәр. Төп катнашучылар арасында — «Казан май комбинаты» АҖ, «КАМАЗ» ГАҖ, «Автомобиль юллары предприятиесе» ҖЧҖ, «ТрансТехСервис» ИК» ҖЧҖ, «Татбурнефть» ҖЧҖ, «Татнефть-Добыча».
Әйдәп баручы инженерлар, көйләүчеләр, токарь-расточниклар, йөк транспорты йөртүчеләр, мастер-приемщиклар һәм җитештерү һәм технологияләр өлкәсендәге белгечләр аеруча кирәк.
Әңгәмә узу мөмкинлегеннән тыш, республикада яшәүчеләрне бай программа көтә: мастер-класслар, карьера төзү буенча тренинглар һәм Татарстан Республикасының «Россия эше» Кадрлар үзәге экспертларыннан консультацияләр. Белгечләр кирәкле юнәлешләрне билгеләргә һәм индивидуаль һөнәри маршрут төзергә ярдәм итәчәк. Аерым игътибар үз юлын сайлаучы студентларга һәм чыгарылыш укучыларына биреләчәк.
Татарстанда уздырылган өч ел эчендә эшкә урнаштыру ярминкәсе 3 283 предприятиене берләштерде, шул исәптән оборона-сәнәгать комплексының 386 оешмасын да. Чараларга 98 меңнән артык кеше килгән, ә 10,3 меңнән артык республика кешесе эш тапкан, шул исәптән 1 760 – оборона-сәнәгать комплексы предприятиеләрендә.
Татарстанда ярминкәнең тулы программасы белән portal.tatartrud.ru порталында танышырга мөмкин.
Өстәмә мәгълүматны 8 (843) 222-05-57 телефоны буенча Татарстан Республикасы «Россия эше» Кадрлар үзәгенең контакт-үзәгеннән алырга мөмкин.