Биектау районының комплекслы үзәгендә «Хәтер шәме» мастер-классы үткәрелде
Хәтер һәм кайгы көне алдыннан Биектау районының «Өмет» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсендә «Хәтер шәмнәре» мастер-классы узды. Чараны социаль педагог Альбина Саттарова «Кәеф» балалар клубы катнашучылары белән үткәрде.
Мастер-класс Ватан тарихына ихтирамлы мөнәсәбәт формалаштыруга, совет халкының батырлыгы турындагы хәтерне саклауга һәм яшь буында патриотлык һәм гражданлык җаваплылыгы тәрбияләүгә юнәлдерелгән.
Клубта катнашучылар сугыш башлану тарихын һәм халкыбыз кичергән авырлыкларны искә төшерделәр. Балалар мәктәп программасындагы белемнәре, өлкән буын хикәяләре һәм сугыш турындагы документаль фильмнардан алган тәэсирләре белән уртаклаштылар.
Бер минут тынлык белән искә алу традицияләренә аерым игътибар бирелде.