Курчак терапиясе тернәкләнү процессына ярдәм итә
Югары Ослан өлкәннәр һәм инвалидлар интернат-йортында курчак терапиясе ысулын социаль хезмәт алучылар белән уңышлы кулланалар. Бу алым сәламәтлеге нык бозылган өлкәннәрдә когнитив һәм көнкүреш күнекмәләрен торгызырга ярдәм итә.
Бүген хезмәт буенча инструктор Татьяна Стригачева инсульт кичергән 67 яшьлек Татьяна Афиногентова белән шәхси дәрес үткәрде. Авыру нәтиҗәсендә хатын-кызның хәрәкәт һәм сөйләм функцияләре чикләнгән, ул чит кеше каравына мохтаҗ.
Дәрес зур йомшак курчак кулланып үткәрелде. Инструктор җитәкчелегендә өлкән яшьтәге хатын уенчык киемен алыштырырга тырышты. Татьяна Стригачева төсләрне атады, ә тәрбияләнүчесе аларны курчакта күрсәтте.
Тернәкләндерүнең беренче нәтиҗәләре инде билгеләп үтелде: хатын-кыз төсләрне яхшырак таный, микъдарны аера, кашыкны мөстәкыйль тотарга тырыша. Шул рәвешле, традицион булмаган метод югалган күнекмәләрне торгызырга гына түгел, үз мөмкинлекләреңә дә ышанырга ярдәм итә.