Кайгыртучанлык белән профориентация
30 апрельдә Лениногорск районының «Исток-Башлангыч» Комплекслы социаль хезмәт күрсәтү үзәгендә 12 яшьтән өлкәнрәк яшүсмерләр өчен профориентация чарасы узды. Социаль хезмәткәр Анастасия Туктарова балалар өчен үзәк буенча танып-белү экскурсиясе оештырды.
Чара барышында яшүсмерләр КСХКҮның төп эшчәнлек юнәлешләре һәм социаль ярдәмнең мөмкин булган төрләре турында белделәр. Балаларга үзәкнең төрле категория гражданнарга: өлкән яшьтәге кешеләргә, сәламәтлек мөмкинлекләре чикләнгән затларга һәм авыр тормыш хәлендә калган гаиләләргә ничек ярдәм итүе турында сөйләделәр.
Экскурсия вакытында аеруча игътибар балигъ булмаганнар белән эшкә бирелде. Мәктәп укучылары үзәктә үстерелешле дәресләр, ял чаралары һәм әти-әниләр өчен консультацияләр оештырылуы, аралашуда кыенлыклар булган яшүсмерләргә һәм сәламәтлек үзенчәлекләре булган балаларга ярдәм итүләре турында белделәр.
«Безнең үзәктә кирәкле ярдәм алырга, яңа дуслар табарга һәм үз сәләтләреңне ачарга мөмкин», — дип билгеләп үттеләр экскурсия оештыручылары.
Чара профориентацион гына түгел, ә балаларны аларның районында алып барылган мөһим социаль эш белән дә таныштырды.