Буа интернат-йортында Бөтендөнья хезмәтне саклау көненә багышланган чара узды

2026 елның 28 апреле, сишәмбе

28 апрель - Бөтендөнья хезмәтне саклау көне: һәркемнең җаваплылыгы – барыбызның да иминлеге нигезе. Бу көн – хезмәтне саклау кагыйдәләрен үтәүнең һәм һәр эш урынында куркынычсыз шартлар тудыруның мөһимлеген искә төшерү. 2026 елда Бөтендөнья хезмәтне саклау көне безне уңайлы психосоциаль эшче мохит оештырырга чакыра.

Буа картлар һәм инвалидлар интернат-йортында хезмәткәрләр хезмәтне саклау буенча викторина оештырды, тормыш хәлләрен оттырды һәм «психосоциаль мохит дәрәҗәсе» тестын үтте.

Чара нәтиҗәләре буенча хезмәткәрләр белемнәрен яңарттылар, эш урынында үз-үзләрен тоту куркынычсызлыгы кагыйдәләрен искә төшерделәр һәм бик күп уңай эмоцияләр алдылар.