«Ышаныч» үзәгенең балта эше остаханәсендә агач кәрзиннәр ясауга керештеләр
Россия халыклары бердәмлеге, Татарстанда Хәрби батырлык һәм хезмәт фидакарьлеге елында Яр Чаллы шәһәренең «Ышаныч» халыкка социаль хезмәт күрсәтү комплекслы үзәгенең балта эше остаханәсендә традицион рус мәдәнияте һәм көнкүреше символы булган агач кәрзин ясау дәресе узды.
Чара мәдәни традицияләргә һәм халык гореф-гадәтләренә хөрмәтне ныгытуга юнәлдерелгән мөһим дәрес булды.
Дәрестә көндезге тору бүлегенең социаль хезмәт алучылары катнашты. Техника куркынычсызлыгы буенча кереш инструктаждан һәм остаз Камил Сибгатулловның үгет-нәсихәтләреннән соң кәрзин өстендә эшли башладылар. Эшне алдагы дәресләрдә дә дәвам итәчәкләр.
Чара моторика, концентрация һәм коллективта үзара бәйләнеш күнекмәләрен үстерүгә ярдәм итте. Әзер кәрзиннәр шәһәр һәм республика күргәзмәләрендә лаеклы урын алачак, бу мөмкинлекләре чикләнгән кешеләрнең казанышларын һәм сәләтләрен күрсәтү өчен яхшы мөмкинлек булачак.