Лениногорск районында балигъ булмаганнар Ивановка авылы музеенда булдылар
Татарстан Республикасында Хәрби батырлык һәм хезмәт фидакарьлеге елы кысаларында Лениногорск районының «Исток-Башлангыч» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге белгече Лиана Габидулина балигъ булмаган балалар өчен Ивановка авылы мәдәният йорты каршындагы музейга баруны оештырды.
Экскурсиянең максаты Бөек Ватан сугышында һәм башка хәрби конфликтларда катнашучыларның, тыл хезмәтчәннәренең тарихы, шулай ук көнкүреш әйберләре белән танышу, Ватан хакына хезмәт һәм батырлыкның мөһимлеген аңлау формалаштыру иде.
Музейда балалар солдатларның шәхси әйберләрен күрә алдылар, ата-бабаларыбызның көнкүреше белән таныштылар. Катнашучылар экспонатларны зур кызыксыну белән карадылар, кызыксындырган сорауларын бирделәр, гаилә тарихлары белән уртаклаштылар.
Экскурсия балаларга Җиңүнең фронтта да, тылда да илнең һәр кешесенең керткән өлешеннән торуын аңларга ярдәм итте.