Республиканың социаль тармагы үзенең хезмәт династияләре белән горурлана
2026 ел Татарстанда Хәрби батырлык һәм хезмәт фидакарьлеге елы дип игълан ителде. Республиканың социаль яклау тармагында гомуми хезмәт стажы бер генә дистә ел булмаган хезмәт династияләре шактый.
Яшел Үзәннең социаль хезмәт күрсәтү йортында гомуми хезмәт стажы 50 ел булган Егоровлар гаиләсе эшли.
Әлеге гаиләнең биш вәкиле үз гомерләрен учреждениегә багышлаган һәм бүгенге көнгә кадәр эшләвен дәвам итә. Династиянең иң өлкән әгъзасына – 65, иң яшь әгъзасына – 39 яшь.
Династиягә нигез салучы – Татьяна Егорова. Ул учреждениедә 20 елдан артык эшли, бу вакыт эчендә күп кенә ведомство бүләкләренә лаек булган.
Сергей һәм Светлана Егоровлар социаль тармакка 2016 елда килә. Алар икесе дә – спортчылар. Егоровлар өч бала үстергәннәр. Кызларының берсе, Александра, 2019 елдан интернатта палата санитаркасы булып эшли.
Интернат-йортта Сергей Егоровның туганы Ольга Балялина да эшли. Ул сигез бала анасы. Ольга Балялина шулай ук ведомство бүләкләре белән бүләкләнгән.
Бу династиянең гаилә девизы – мәхәббәт, бер-береңне аңлау, уртак максатлар, бердәм командада яшәү һәм җиңүләргә омтылу.