«Шәфкать» үзәгендә яшүсмерләргә психологик ярдәмне күрсәтәләр

Түбән Кама районы «Шәфкать» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге психологы Гүзәл Минһаҗева «Мин тормышны сайлыйм» социаль программасы кысаларында яшүсмерләр өчен махсус чара үткәрде.

Катнашучылар катлаулы ситуацияләрне чишүнең һәм эмоциональ халәт белән идарә итүнең нәтиҗәле ысуллары белән таныштылар. Программа яшүсмерләргә килеп туган кыенлыкларны хәл итү өчен үз ресурсларын эзләүдә ярдәм күрсәтүгә, шулай ук үз-үзеңә кул салуны профилактикалауга юнәлдерелгән.

Яшүсмерләр конфликтлы ситуацияләрне мөстәкыйль җиңү һәм стресста тынычлык саклау сәләтен үстерү өчен конкрет киңәшләр һәм инструментлар алдылар. Шулай ук психолог һәркемгә белешмәлек тапшырды.