Яр Чаллы интернат-йорты хезмәткәрләре Карау мәктәбендә укыйлар
Яр Чаллыдагы өлкәннәр һәм инвалидлар өчен интернат-йорт хезмәткәрләре карауга мохтаҗ өлкән яшьтәге гражданнарны һәм инвалидларны карау алымнары белән танышу дәресендә катнаштылар. Чараны «Ышаныч» халыкка социаль хезмәт күрсәтү комплекслы үзәгенең социаль эш буенча белгече, Карау мәктәбе җитәкчесе Ландыш Ханзарова үткәрде.
Дәрестә карау эргономикасы, тәрбияләүче өчен дә, тәрбияләнүче өчен дә имгәнү куркынычын минимальләштерү мәсьәләләре җентекләп каралды. Яткан авыруларны дөрес күчерү һәм урнаштыру техникасына, ярдәмче чаралар куллануга аерым игътибар бирелде.
Ландыш Ханзарова мөмкинлекләре чикләнгән өлкәннәрне карау алымнарын күрсәтте. Дәрестә катнашучыларның тәҗрибәле остаз җитәкчелегендә алган күнекмәләрен парларда эшләү мөмкинлеге бар иде.
Ахырда тыңлаучылар үзләрен кызыксындырган сорауларга җаваплар алдылар.