«Балкыш» приютында тәрбияләнүчеләр Россия халыкларының гореф-гадәтләре белән таныштылар
Россия халыклары бердәмлеге елы һәм «Татарстан халыклары: дуслык юлы» социаль программасы кысаларында Түбән Кама районының «Балкыш» балалар һәм яшүсмерләр өчен социаль приютында тәрбияләнүчеләр Халыклар дуслыгы йортына онытылмаслык сәяхәт ясадылар. Тәрбияләнүчеләр рус, башкорт, чуаш, таҗик, казах халыкларының һәм керәшен татарларының гореф-гадәтләре һәм көнкүреше белән таныштылар.
Кием-салымны киеп, милли савыт-саба һәм музыка коралларын карап, тәм-томнар татып карап, балалар мәдәни күптөрлелек атмосферасына чумдылар.
«Чара яшь буын арасында толерантлык һәм үзара ихтирам тәрбияләү кебек мөһим миссияне тормышка ашыруның ачык мисалы булды. Мәдәниятләрнең төрлелеге белән танышу һәр кешегә кирәкле ачыклык һәм дуслык формалаштыруга ярдәм итә», – дип билгеләп үтте тәрбияче Юлия Ситдыйкова.