«Опека» үзәгендә үзенчәлекле кунаклар өчен иҗади мастер-класс узды
18 декабрьдә Әлмәт районы «Опека» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе психологлары «Лекотека» кабинетында «Чыршы бизибез» дигән җайлаштырылган иҗат дәресе үткәрделәр. Менталь тайпылышлары булган кешеләр өчен чара аларның социаль һәм иҗади тернәкләнүенә юнәлдерелгән.
Дәреснең максаты – катнашучыларда ярдәмчел шартларда социаль-көнкүреш һәм иҗади күнекмәләрне үстерү. Психологлар вак моториканы яхшырту, төс һәм форма төшенчәләрен ныгыту, шулай ук уртак эшчәнлек һәм киләчәк бәйрәм белән бәйле уңай эмоциональ тәҗрибә формалаштыру бурычларын куйдылар. Һәр катнашучы өчен уңыш ситуациясен булдыру мөһим аспект булды.
Бу шөгыль «Опека» үзәгенең махсус ихтыяҗлары булган кешеләрне социальләштерү һәм аларга ярдәм итү буенча комплекслы эшендә тагын бер адым булды.