Татарстанда беренче Күп функцияле гаилә үзәге ачылды
Әлмәт районында «Опека» халыкка социаль хезмәт күрсәтү комплекслы үзәге базасында Татарстан Республикасында беренче Күп функцияле гаилә үзәге ачылды. Проект Авыр тормыш хәлендә калган балаларга ярдәм фонды грант ярдәме белән гамәлгә ашырылды. Үзәк ачу максаты – гаиләгә «бердәм тәрәзә» принцибы буенча социаль, юридик, психологик-педагогик һәм башка хезмәтләр күрсәтүнең заманча, һәркем файдалана алырлык һәм нәтиҗәле системасын формалаштыру.
Рәсми ачылу тантанасы 16 декабрьдә булды. Чарада дәүләт органнары һәм иҗтимагый оешмалар вәкилләре катнашты.
«Ансар» хәйрия фонды катнашучылар өчен мастер-класс үткәрде.
Яңа үзәк эшенең төп методологиясе булып гражданнарга бер урында хезмәтләрнең киң спектрын алу мөмкинлеге бирү тора, бу исә төрле инстанцияләргә мөстәкыйль мөрәҗәгать итү кирәклеген бетерә. Мондый алым бюрократик киртәләрне минимальләштерүгә һәм гаиләләрнең вакытын сарыф итмәскә юнәлдерелгән.
Фото авторы: Әлмәт районы башлыгы матбугат хезмәте