«Астра» үзәгендә спорт мастер-классы узды

2025 елның 8 декабре, дүшәмбе

Алабуга районындагы «Астра» мөмкинлекләре чикләнгән балалар һәм яшүсмерләр өчен тернәкләндерү үзәгендә спорт мастер-классы узды.

Спорт мәктәбе тренеры Раиф Габдрахманов һәм аның тәрбияләнүчеләре җитәкчелегендә мавыктыргыч чара узды. Чараның күңелле атмосферасы конкурсларда һәм биремнәрдә мавыгып катнашкан балаларны сокландырды.

Тренер шәкертләре күнегүләрнең дөрес башкарылуын бик теләп күрсәттеләр, катнашучыларга ярдәм иттеләр. Мастер-класс спорт эшчәнлегенең никадәр шатлыклы һәм файдалы була алуын күрсәтте.