«Кайгырту» приютында инвалидлар декадасы ничек уза
Инвалидлар декадасы кысаларында 1 декабрьдә Алексеевск районының «Кайгырту» балалар һәм яшүсмерләр социаль приютында тәрбияче Наилә Дәүләтшина тәрбияләнүчеләр белән шәфкатьлелек сәгате үткәрде. Чара сәламәтлеге мөмкинлекләре чикләнгән кешеләргә карата яхшы мөнәсәбәт булдыруга юнәлдерелгән.
Балалар тәрбияче белән бергә һәр кешене, ул нинди генә булмасын, кабул итү һәм яратуның мөһимлеге турында фикер алыштылар. Балалар мөмкинлекләре чикле кешеләргә карата игътибарлырак һәм яхшы мөнәсәбәттә булырга өйрәнделәр.
2 декабрьдә тәрбияче Алексей Шатков үзәк китапханәгә «Рухи яктан көчлеләр» күргәзмәсен карарга бару оештырды. Шунда ук тематик сәгать үткәрделәр.
3 декабрьдә тәрбияче Татьяна Безроднова тәрбияләнүчеләр белән «Йөрәгебезне яхшылык белән җылытабыз» акциясе үткәрде. Активистлар мөмкинлекләре чикләнгән балаларга ярдәм итәргә тырыштылар, үз куллары белән ясаган бүләкләрен бүләк иттеләр.