«Кояшлы» тернәкләндерү үзәгендә батырлык дәресе узды
Казандагы «Кояшлы» сәламәтлек мөмкинлекләре чикләнгән балалар һәм яшүсмерләр өчен тернәкләндерү үзәгендә Ватан Геройлары көненә багышланган күңелне нечкәрткеч һәм әһәмиятле батырлык дәресе узды.
Чараны сугышчан хәрәкәтләр ветераны, «Дулкын-16» иҗтимагый оешмасы вәкиле үткәрде. Очрашу кысаларында катнашучылар бергәләп Россия Федерациясе Президентының Идел буе федераль округындагы тулы вәкаләтле вәкиле Игорь Комаровның видеомөрәҗәгатен тыңладылар, анда хәтернең, рәхмәтле булуның һәм буыннар дәвамчанлыгының мөһимлеге ассызыклана.
Дәреснең төп максаты – буыннар арасындагы элемтәне ныгыту, балаларда Ватанны саклаучыларга хөрмәт тәрбияләү, сугыш хәрәкәтләре сынауларын узучыларга ярдәм күрсәтү.
Очрашу азагында үзәк хезмәткәрләре гуманитар ярдәм – махсус хәрби операциядә катнашучыларның реаль ихтыяҗларын исәпкә алып җыелган беренчел кирәк-яраклар, озак вакыт саклана торган продуктлар һәм шәхси гигиена чаралары җыелмаларын тапшырдылар.