Алабуга интернат-йортында яшәүчеләргә МАХ кушымтасы турында сөйләделәр

2025 елның 10 декабре, чәршәмбе

Инвалидлар декадасы кысаларында Алабуга өлкәннәр һәм инвалидлар интернат-йортында Алабуга шәһәрендәге КФҮ бүлеге хезмәткәрләре мәгълүмати-аңлату сәгате үткәрде.

КФҮ белгечләре күп функцияле үзәк эше турында сөйләделәр, гражданнарның муниципаль һәм дәүләт хезмәтләрен күрсәтүгә кагылышлы сорауларына җавап бирделәр. Яңа сервиска – МАХ кушымтасына аерым игътибар бирделәр. Ул, хәбәрләр алмашудан һәм тавыш элемтәсеннән тыш, электрон дәүләт хезмәтләре алырга, шәхесне таныкларга, түләүләр һәм башка функцияләрне башкарырга мөмкинлек бирә.