Югары Ослан районында инвалидлар декадасы кысаларында күңелле бәйрәм узды
Яшүсмерләр-яшьләр клубында аеруча бәйрәм кәефе иде. Биредә мөмкинлекләре чикләнгән балалар инвалидлар декадасына багышланган чарага җыелды.
Бәйрәмне район башкарма комитеты җитәкчесенең социаль мәсьәләләр буенча урынбасары Артем Макаров ачып җибәрде, ул балаларга һәм аларның гаиләләренә сәламәтлек, мәрхәмәтлек һәм могҗизаларга ышаныч теләде. Җылы сүзләргә «Өмет утравы» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге мөдире Эльвира Сафиуллина да кушылды.
Кунаклар өчен Югары Ослан балалар сәнгать мәктәбе укучылары матур концерт программасы әзерләделәр. Концерттан соң балалар өчен мавыктыргыч мастер-класслар оештырылды. Комплекслы үзәк белгечләре пластилиннан фигуралар ясау буенча мастер-класс үткәрделәр.
Ахырда һәр катнашучыны махсус бүләк – Иннополис мәктәбенең беренче сыйныф укучылары бизәгән сумка көтте. Программада татлы ноктаны чараның иганәчесе тәкъдим иткән тәмле попкорн куйды.