«Игелек сәнгате» инклюзив чарасында 400 дән артык кеше катнашты
«Әкият» курчак театрында «Игелек сәнгате» республика социомәдәни инклюзив чарасы узды. Чара 400дән артык катнашучыны берләштерде, алар арасында мөмкинлекләре чикләнгән балалар, аларның ата-аналары, шулай ук республиканың төрле оешмалары, министрлыклары һәм ведомстволары вәкилләре бар иде.
Үткәрелгән иҗади мастер-класслар, мавыктыргыч флешмоблар, ата-аналар өчен консультацияләр һәм мультфильм күрсәтү барлык катнашучылар өчен дә игелек һәм шатлык атмосферасы тудырды. Һәр баланың үз иҗади потенциалын уңайлы һәм дустанә шартларда ачу мөмкинлеге булуы аеруча кыйммәтле.
«Игелек сәнгате» инклюзив чарасы сәламәтлеге мөмкинлекләре чикләнгән балаларның социомәдәни интеграциясе, җәмгыятьтә инклюзив культура булдыру һәм Татарстан Республикасында уңайлы мохитне үстерү өчен бәяләп бетергесез әһәмияткә ия.