Министрлыкның «Россия эше» бренды кыйммәтләрен алга этәрү буенча эше федераль дәрәҗәдә танылды

2025 елның 3 декабре, чәршәмбе

Татарстан Республикасы Хезмәт, халыкны эш белән тәэмин итү һәм социаль яклау министрлыгы «Россия эше» бренды кыйммәтләрен алга этәрүдә уңышлы эшләве өчен билгеләп үтелде. Бүләкләү әлеге көннәрдә уза торган Бөтенроссия кадрлар форумы кысаларында узды.

Республика мәшгульлек үзәкләрен модернизацияләүнең бердәм стандартын гамәлгә кертү һәм төбәк дәрәҗәсендә федераль брендны алга җибәрү буенча югары нәтиҗәләр күрсәтте.

«Бу бүләк – безнең команданың бердәм эше нәтиҗәсе. Системалы эш нәтиҗәсендә татарстанлылар мәшгульлек өлкәсендә хезмәтләрне бердәм сыйфат стандартларына туры килә торган заманча форматта алалар», – дип билгеләп үтте Татарстан Республикасы хезмәт, халыкны эш белән тәэмин итү һәм социаль яклау министры урынбасары Клара Таҗетдинова.