«Хыял» приютында тәрбияләнүчеләр «Беренчеләр хәрәкәте» активистлары белән очрашты

2025 елның 22 ноябре, шимбә

Аксубай районының «Хыял» балалар һәм яшүсмерләр өчен социаль приютында Татарстан Республикасының Аксубай һәм Нурлат муниципаль районнары буенча «Беренчеләр хәрәкәте» яшьләр оешмасының җирле бүлекчәсе активистлары белән очрашу узды.

Балалар мавыктыргыч чараларда катнаштылар. Бу дәресләр фантазияне, аралашучанлыкны һәм үз-үзеңә ышанычны үстерүгә юнәлдерелгән.

«Беренчеләр хәрәкәте» ата-ана тәрбиясеннән мәхрүм калган балаларны социаль адаптацияләүдә актив катнаша. Волонтерларның даими визитлары тәрбияләнүчеләрнең психологик хәлен яхшыртуга ярдәм итә, социаль күнекмәләрне үстерә һәм үз көчләренә ышанычны ныгыта.