Социаль хезмәтләр алучылар өчен бәйрәм алды мастер-класслары үткәрелә
Яңа ел алдыннан Әлмәт шәһәренең «Ветеран» инвалидларны тернәкләндерү үзәге белгече Венера Гарифуллина социаль хезмәтләр алучылар өчен Яңа ел уенчыклары ясау буенча мастер-класс оештырды.
«Соңгы вакытта фоамираннан чыршы бизәү әйберләре ныклыгы һәм формасын саклап калу сәләте аркасында популярлык казана. Сакчыл караш булганда, алар берничә ел сөендерә алалар», – дип сөйләде катнашучыларга белгеч.
Катнашучылар фоамиранның төрле төрләре, аннан уенчыклар ясау технологияләре белән таныштылар, шулай ук эш барышында уңай хис-кичерешләр алдылар. Мастер-класста катнашу социаль хезмәтләр алучыларга креатив фикерләүне, иҗади сәләтләрне үстерергә мөмкинлек бирде. Моннан тыш, дәрес тырышлык, пөхтәлек, вак-төяккә игътибарлылык һәм башлаган эшне төгәлли белү кебек мөһим сыйфатларны үстерүгә ярдәм итте, шулай ук кулларның вак моторикасын яхшыртты.