Яр Чаллыда ана мәхәббәте бәйрәме узды

2025 елның 24 ноябре, дүшәмбе

Ведомствоара багланышлар, Идел буе федераль округының «Менталь сәламәтлек» иҗтимагый проектын гамәлгә ашыру кысаларында һәм Әниләр көне алдыннан «Эврика» шәһәр мәдәният үзәгендә «Ана йөрәге – мәхәббәт чыганагы» дип аталган күңелне нечкәрткеч программа узды. Чарага Яр Чаллы шәһәренең «Ышаныч» халыкка социаль хезмәт күрсәтү комплекслы үзәге карамагындагылар һәм әниләре чакырылган иде.

Артистлар төрле программа әзерләгәннәр иде: әни турында рус һәм татар телләрендә җырлар, тирән эчтәлекле шигырьләр яңгырады. Бу чара әниләр өчен чын бүләк булды, барысына да ана мәхәббәтенең чиксез көчен һәм гаилә кыйммәтләренең мөһимлеген искә төшерде.