Югары Ослан интернат-йортында кышкы бәйрәмгә әзерләнәләр
«Беренчеләр хәрәкәте» волонтерлары Югары Осланның өлкәннәр һәм инвалидлар интернат-йортында акция үткәрде.
Очрашуның темасы Яңа елга әзерлек булды. Беренче эш итеп остаз Евгения Калмыкова җыелучыларга Яңа ел чыршысын бизәү традициясенең барлыкка килү тарихы турында сөйләде, агачларның тылсымлы үзлекләре турындагы риваятьләр белән таныштырды. Аннары волонтер-укучылар Лидия Алексеева, Азалия Баһаветдинова, Константин Хватков учреждениедә тәрбияләнүчеләрне чыршы шарларын бизәү буенча мастер-класста катнашырга чакырды. Балалар алдан ук түгәрәк агач нигезләр әзерләгәннәр иде, аларны социаль хезмәтләр алучылар бик теләп буядылар.
Үз куллары белән ясалган Яңа ел шарларын традиция буенча интернат-йорт фойесына урнаштырыла торган чыршыга элеп куярга булдылар.