«Ялкын» социаль приютында стажировка мәйданчыгы узды

2025 елның 20 ноябре, пәнҗешәмбе

20 ноябрь көнне Бөгелмәдә «Ялкын» балалар һәм яшүсмерләр социаль приютында «Социаль хезмәт күрсәтү учреждениесе белгечләренең һөнәри януын профилактикалау» темасына стажировка мәйданчыгы узды.

Педагог-психолог катнашучыларга һөнәри януның нәрсә икәнен, януның нинди стадияләре булуын һәм аларны ничек булдырмаска кирәклеген сөйләде. Приют белгечләре сәламәтлек мөмкинлекләре чикләнгән балалар өчен 10 нчы мәктәп педагоглары белән берлектә иҗади мастер-класслар һәм практик дәресләр үткәрделәр.

Чара барышында барлык катнашучылар да эчке ресурсларын көчләрен кайтару өчен нәтиҗәле файдаландылар, тренинг уеннары аша тискәре хис-кичерешләрне ташлау алымнарына өйрәнделәр.

Чара тәмамлангач, учреждение буйлап экскурсия үткәрелде. Коллегалар дәресләр үткәрү кабинетларында, музыка залында, психологик бушану бүлмәсендә, уен терапиясе кабинетында, гаилә кунак бүлмәсендә, тегү остаханәсендә һәм спорт залында булдылар.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International