Социаль хезмәткәрләр үз эшләрендә эрготерапия кулланалар

2025 елның 25 ноябре, сишәмбе

Мамадыш районында «Кайгырту» халыкка социаль хезмәт күрсәтү комплекслы үзәгенең социаль хезмәткәрләре үз эшләрендә эрготерапия кулланалар. Бу авыру нәтиҗәсендә югалган хәрәкәт активлыгын үстерү ысулы, ул өлкән яшьтәге кешенең көндәлек эшчәнлеген, физик чикләүләрне исәпкә алып, торгызуга юнәлдерелгән.

Физик халәткә уңай йогынтыдан тыш, эрготерапия шулай ук өлкән кешенең психоэмоциональ халәтенә дә уңай тәэсир итә. Тәрбияләнүчеләр, бигрәк тә сәламәтлек мөмкинлекләре чикләнгән кешеләр, еш кына ялгызлык, кирәксезлек сизәләр. Эрготерапия белән шөгыльләнү күңелсез уйлардан арынырга мөмкинлек бирә, кәефне яхшырта, эмоциональ өлкәне ныгыта, әйләнә-тирә дөньяга оптимистик мөнәсәбәт формалаштыра.