«Өмет чаткысы» үзәгендә тәрбияләнүчеләр белән тематик әңгәмә үткәрелде

Арча районы «Өмет чаткысы» мөмкинлекләре чикләнгән балалар һәм яшүсмерләр өчен тернәкләндерү үзәгенең педагог-психологы Айзилә Заһидуллина тәрбияләнүчеләр белән «Мин һәм минем хисләрем» дигән тематик әңгәмә үткәрде. Чара Халыкара толерантлык көненә багышланган иде һәм балаларда дөньяның төрлелегенә хөрмәт тәрбияләүгә, үз хис-кичерешләрен һәм әйләнә-тирәдәгеләрнең хис-кичерешләрен аңлау күнекмәләрен үстерүгә юнәлдерелгән иде.

Әңгәмә барышында педагог-психолог балаларга толерантлыкның үзеңә һәм башкаларга колак салудан башлануы турында сөйләде. Әңгәмәнең төп өлеше хис-кичерешләр һәм әйләнә-тирәдәгеләргә түземле мөнәсәбәт арасындагы бәйләнеш турында фикер алышу булды. Уеннар һәм күнегүләр аша балалар үз хисләрен танырга һәм атарга, алар турында сөйләргә, шулай ук шул ук хисләрнең дусларында ничек чагылуын күрергә өйрәнделәр.

Балалар толерантлыкның башка халыкларга, аларның традицияләренә һәм кыйммәтләренә хөрмәт хисе икәнен, башкаларны хөрмәт итәргә өйрәнергә, башта үз хисләреңне аңларга һәм кабул итәргә өйрәнергә кирәклеген белделәр.

Педагог сүзләренчә, әңгәмә тәрбияләнүчеләр арасында дустанә һәм ярдәмчел атмосфера тудыруда тагын бер адым булды.