«Юлдаш» интернат-йортыннан хезмәт ветераны балалар йортында тәрбияләнүчеләрне сөендерде

2025 елның 21 ноябре, җомга

Чистайның «Юлдаш» өлкәннәр һәм инвалидлар интернат-йортында яшәүче хезмәт ветераны, тыл хезмәтчәне Миңнесафия Баһавиева балалар йортында тәрбияләнүчеләрне тагын татлы күчтәнәчләр белән сөендерде. Ул балалар өчен татлы бүләкләр әзерләде.

Ветеран үтенече буенча интернат-йорт директоры Дмитрий Басанов балаларга күчтәнәчләр һәм изге теләкләр тапшырды. Ул барлык балаларга ныклы сәламәтлек, шатлык, кызыклы ачышлар һәм тугры дуслар теләде. Балалар йортында тәрбияләнүчеләр Миңнесафия апага игелекле һәм юмарт йөрәге өчен рәхмәт белдерделәр.